ياللـي دفنتـوا جثـتـه.. لـيـه تبـكـون؟
لـولا الحيـا..لأقـول : معـكـم خـذونـي
منه انحرمت وكنت انا عنـه مسجـون
مـا أذكـر لمحتـه .. غيـر مـره بعيونـي
شفتـه ..وكانـت فرحتـي مالهـا لـون
عجزت لأوصف .. من لمحته شجونـي
ياليتنـي ..كنـت الكفـن يـوم تمشــون
أبـقـى مـعـه بالـقـبـر ثـم تدفـنـونـي
أو ليتني .. من خلفكم كنـت (مجنـــون)
أتـبـع خطـاكـم والـعـذر هــو : جنـونـي
أبكي وراكم .. وأدعي ان كـان تدعـون
مـا يكفـي انـه عـاش عمـره بدونــي؟؟
تكفـون ،،، هاكـم عمـري اليـوم تكفــون
بـرخـص حيـاتـي دام خـابــت ظـنـونـي
مـا فادنـي صبـري !! ولا فـادنـي عـون
ولا فادني دمعـ(ن) .. حرق لي جفونـي
يـا مـا بكيتـه والبكـا يحـرق عيـون
ميت أو انه حي .. دمعي بعيونـي!!
العـام كـان بفرحتـه.. يعـزف لـحـون
واليوم ؛ تحت الأرض .. ماهو بكونـي
لكن أنا في فرحتــه.. كنـت مدفـون
فوق الثرى .. واليوم مـوته سجونـي
(سميت قلبي عقب فرقـاه ملعـون)
هو و الليالي .. عن هناه امنعـونـي
ياليتنـي.. ماعشـت لحـظـه بهالـكـون
و ياليت ربعي .. في سكات اذبحـوني
وياليتكـم .. عـن همّـي اليـوم تـدرون
منه انحرمت > ومن عزاه .. احرموني
حتى بوفاته !! يـوم أنـا طحـت مطعـون
أخفيت طعناتـي .. قبـل يفضحونـي
بكـيـت!! لـكـن .. ماتظـاهـرت بالـهـون
أبكي وأقول : الموت سـبة طعـوني
و إن كان في حبّـي أنـا ..ماتحسّـون ..؟
ودوني 000لقبره وشوفو عيوني
